相隔14年！胡定欣“出山”同古巨基再续前缘

歌手古巨基（基仔）新歌MV《乱世情侣》于8号出街，今次MV女主角搵嚟老拍档胡定欣演出，二人对上一次合作原来已经系14年前，当时定欣就为基仔《爱与诚》MV任女主角。

讲起往事，佢哋两个都互笠高帽，大赞对方完全冇变过，基仔同定欣讲：「好特别呀个感觉，我哋头先倾偈，都话眨吓眼就过咗咁多年。所以可以再邀请你嚟拍我嘅MV，我系非常开心。佢拍剧时间好忙，好耐冇为人做MV女主角，所以我喺度要特别多谢佢。好多人所讲嘅『回忆杀』，我谂我哋今次再拍MV就系喇。」

MV讲述一对情侣大家为咗储钱计划结婚，各自忙碌工作令感情生活麻烦，女方返office经常OT、男方就系仓务员返通宵班，睇落好似一齐计划将来，但系其实忘记咗身边嘅人。最后有所领悟的基仔跑去定欣公司搵佢，一个touching嘅结局。基仔话：「为咗计划将来，但忘记咗依家，忘记咗两个走埋一齐嘅最初意义，所以呢只歌加埋呢个故事，系一个爱情上几大嘅感触嘅故仔。」定欣亦有感而发：「唔单止系返office工有咁嘅情况，其实我哋做呢行都系，冇日冇夜，好多好重要嘅moments或者好似首歌讲嘅人与人之间最紧要嗰样感情、过程中紧扣嘅感觉缺乏咗。」

喺office拍摄仲勾起咗：定欣入行前嘅回忆：「我做过两年秘书先至入行。」而今次拍摄MV，系佢「出山」之作：「我旧年5月做完舞台剧之后，就冇做过戏啦！所以今日系我第一日返工，哈哈。我头先都觉得系时候pick up番。」

基仔仲亲自执导MV，每拍完一个shot，佢都会睇playback，定欣话：「今朝喺车上面听佢讲时，我已经好有画面、好感动，可能因为人大咗、或者经历多咗，对呢啲事会好感受到。」基仔亦不忘大赞对方演技一流：「有好多场戏定欣都系一take过，而且有几个位我都睇到眼红红。」

欢迎分享至朋友圈

来源：东网

香港娱乐八卦

尽在HKChannel

新闻推荐

我听见雨滴落在青青草地什么梗？出处哪里怎么火起来的

我听见雨滴落在青青草地是什么意思？我听见雨滴落在青青草地什么梗？我听见雨滴落在青青草地，要想生活过得去头上总要带点...